როგორ მუშაობს MyTask-ის პლათფორმა

MyTask არის შუამავალი პლათფორმა მყიდველსა და ფრილანსერს შორის, რომელიც უზრუნველყოფს უსაფრთხოებას როგორც ერთი, ისე მეორე მხარისთვის.

ქვემოთ განვიხილოთ MyTask-ზე ყველა შესაძლო ურთიერთობის მაგალითი მყიდველსა და ფრილანსერს შორის.

განცხადებები

• ფრილანსერი პლათფორმაზე რეგისტრაციის შემდეგ ანთავსებს განცხადებას თავისი სერვისების შესახებ.
  
  
• პოტენციური დამკვეთი ნახულობს მისთვის ხელსაყრელ განცხადებას.

აქვე აღსანიშნავია ის ფაქტი, რომ დამკვეთს შეუძლია წინასწარ იხილოს ფრილანსერის პორტფოლიო, მისი ბოლო ნამუშევრები და შეფასებები, რათა ზოგადი წარმოდგენა შეექმნას ფრილანსერის შესახებ.

• ხელსაყრელი განცხადების ნახვის შემდეგ დამკვეთს ასევე შეუძლია ფრილანსერს დაუკავშირდეს პლათფორმაზე ჩაშენებული ჩათის მეშვეობით და წინასწარ, პროდუქტის შეძენამდე განიხილოს მასთან ერთად ყველა საჭირო დეტალი.
  
  

ჩვენი რეკომენდაციაა: აუცილებლად გაესაუბრეთ ფრილანსერს და დააზუსტეთ დეტალები სანამ მის რომელიმე კონკრეტულ სერვისს შეიძენთ. დეტალების შეთანხმებისას რეკომენდირებულია პლათფორმის შიდა ჩათის გამოყენება, რათა მომავალში წარმოქმნილი პრობლემური შემთხვევების განხილვისას ადმინისტრაციამ ზუსტად ნახოს, თუ რაზე შეთანხმდნენ ფრილანსერი და დამკვეთი.

• დეტალების შეთანხმების შემდეგ დამკვეთი ყიდულობს სერვისს და იხდის საფასურს წინასწარ.
  
  

• დამკვეთის მიერ სერვისის შეძენის შემდეგ, MyTask ბლოკავს თანხას, ფრილანსერს კი ეცნობება, რომ დამკვეთმა ფული გადაიხადა და რომ მას შეუძლია დაიწყოს მუშაობა.
  
  

• როდესაც ფრილანსერი დაასრულებს მუშაობას, მან უნდა გადააგზავნოს ის დამკვეთთან.
  
  

• შეკვეთის მიღების შემდეგ დამკვეთი ნახულობს, აფასებს და, თუ საჭიროა, სთხოვს ფრილანსერს ცვლილებას (ცვლილებების რაოდენობა დამოკიდებულია შეთანხმების დეტალებზე). თუ შეკვეთა სრულყოფილია, მაშინ დამკვეთი ანიჭებს მას დასრულებულ სტატუსს.
  
  

• როგორც კი დამკვეთი ჩაიბარებს შეკვეთას, ფული ავტომატურად გადაირიცხება ფრილანსერის ანგარიშზე.
  
  

პროექტები

პლათფორმაზე ასევე შესაძლებელია „პროექტების“ განთავსება. თქვენ, როგორც მომავალი „დამკვეთი“, ანთავსებთ პროექტს და უთითებთ საჭირო დეტალებს: აღწერა (რა სამუშაო უნდა შესრულდეს) და თქვენი ბიუჯეტი (მინიმალური და მაქსიმალური რაოდენობა).

პროექტის განთავსების შემდეგ დამკვეთი ელოდება ფრილანსერებისგან შეთავაზებების მიღებას.

თითოეულ ფრილანსერს აქვს უფლება გააგზავნოს მხოლოდ 1 წინადადება (შეთავაზების რედაქტირება შესაძლებელია, მანამ სანამ დამკვეთი არ დაამტკიცებს რომელიმე კონკრეტულ წინადადებას პროექტზე).

ფრილანსერის გაგზავნილი წინადადება შეიცავს:

• სამუშაოს შესრულების ვადებს.

• აღწერას, თუ რატომ იმსახურებს ის ამ პროექტზე დამტკიცებას.

• ღირებულებას (უნდა ჯდებოდეს პროექტის ბიუჯეტის ფარგლებში).
  
  

როცა დამკვეთი მიიღებს შეთავაზებებს, იგი თავად გადაწყვეტს, რომელია მისთვის ყველაზე მისაღები და ამ წინადადების ავტორს დაამტკიცებს პროექტზე სამუშაოდ.

იმ კონკრეტულ ფრილანსერს, რომელსაც დამკვეთი დაამტკიცებს პროექტზე სამუშაოდ, აქვს 48 საათი იმისთვის, რომ დათანხმდეს პროექტში მონაწილეობაზე.

შენიშვნა: ფრილანსერს უფლება აქვს უარი თქვას პროექტში მონაწილეობაზე, ამ შემთხვევაში დამკვეთმა პროექტზე უნდა დაამტკიცოს სხვა ფრილანსერი.

ხოლო თუ ფრილანსერი დათანხმდება პროექტზე მუშაობას, მაშინ დამკვეთი იხდის პროექტის საფასურს წინასწარ, რომელსაც MyTask დაბლოკილ თანხად ინახავს. საფასურის გადახდის შემდეგ ფრილანსერი იწყებს მუშაობას.

პროექტის ნამუშევრის მიწოდების და დამკვეთის მიერ ნამუშევრის ჩაბარების დადასტურების შემდეგ და თანხა გადაირიცხება ფრილანსერის ანგარიშზე.

პერსონალური შეთავაზება (მალე დაემატება)

პერსონალური შეთავაზება იგზავნება დამკვეთისგან ფრილანსერთან. დამკვეთმა უნდა მიუთითოს სამუშაოს დეტალები, ვადები და ღირებულება.

ფრილანსერს შეუძლია უარყოს პერსონალურად მიღებული შეთავაზება.

თუ ფრილანსერი დაეთანხმება, იგი ვალდებულია დათქმულ ვადებში მიაწოდოს ნამუშევარი დამკვეთს. როგორც კი ფრილანსერი დაეთანხმება მიღებულ შეთავაზებაზე მუშაობას, დამკვეთი წინასწარ იხდის ღირებულებას, რომელსაც MyTask დაბლოკილ თანხად ინახავს.

ფრილანსერისგან ნამუშევრის მიწოდების შემდეგ, როცა დამკვეთი დაადასტურებს ჩაბარებას, თანხას მოეხსნება ბლოკი და გადაირიცხება ფრილანსერის ანგარიშზე.

დამკვეთსა და ფრილანსერს შორის უთანხმოება

1. ფრილანსერმა არ ჩააბარა ნამუშევარი დათქმულ ვადებში:

• დამკვეთს აქვს უფლება მოითხოვოს თანხის უკან დაბრუნება. თუ ფრილანსერი არ დაეთანხმება თანხის დაბრუნების მოთხოვნას, საქმეში ჩაერთვება MyTask ადმინისტრაცია.

• დეტალების გადამოწმების და ფაქტის დადასტურების შემთხვევაში, თანხა დაუბრუნდება დამკვეთს, ხოლო ფრილანსერი მიიღებს ნეგატიურ რეპუტაციას (აღნიშნულის განმეორების შემთხვევამ შესაძლოა გამოიწვიოს პროფილის გაუქმებაც).
  
  

2. დამკვეთი არ არის კმაყოფილი მიღებული ნამუშევრით:

• დამკვეთი ითხოვს თანხის დაბრუნებას.

• თუ ფრილანსერი დათანხმდება თანხის დაბრუნებას, თანხა გადაირიცხება, უკან დამკვეთის ანგარიშზე.

• თუ ფრილანსერი არ დათანხმდება, დამკვეთს აქვს უფლება წამოიწყოს დავა. საქმეში ერთვება MyTask ადმინისტრაცია და აფასებს შეთანხმებას დეტალებს და გადაგზავნილ ნამუშევარს.

  • თუ ნამუშევარი პასუხობს შეთანხმების დეტალებს, თანხა გადაირიცხება ფრილანსერს.

  • თუ ნამუშევარი არ პასუხობს შეთანხმების დეტალებს, თანხა დაუბრუნდება დამკვეთს.
    
    

   

3. ფრილანსერმა გადაუგზავნა ნამუშევარი, მაგრამ დამკვეთმა არ მოხსნა ბლოკი:

• ფრილანსერს აქვს უფლება მიმართოს ადმინისტრაციას და მოითხოვოს თანხის განბლოკვა.
  
  

• ვინაიდან დამკვეთის მხრიდან არ იქნება არანაირი აქტივობა (თანხის დაბრუნების ან ცვლილების მოთხოვნა), ადმინისტრაცია უფლებას იტოვებს, არსებული პერიოდის გასვლის შემდეგ ავტომატურად მოხსნას ბლოკი და გადაურიცხოს თანხა ფრილანსერს.